اسلام آباد (نیشنل ٹائمز) وفاقی حکومت نے بجٹ 2026-27 میں جائیداد کی خرید و فروخت پر عائد ودہولڈنگ ٹیکس میں نمایاں کمی کی تجویز دے دی ہے۔

قومی اسمبلی میں بجٹ تقریر کرتے ہوئے وزیر خزانہ محمد اورنگزیب نے کہا کہ فائلرز کے لیے جائیداد کی خریداری پر ودہولڈنگ ٹیکس 2.5 فیصد سے کم کرکے 1.25 فیصد کرنے کی تجویز دی گئی ہے۔

اسی طرح جائیداد کی فروخت پر عائد ودہولڈنگ ٹیکس بھی 5.5 فیصد سے کم کرکے 2.75 فیصد کرنے کی تجویز پیش کی گئی ہے۔

حکومت کا کہنا ہے کہ ان اقدامات سے پراپرٹی سیکٹر میں سرمایہ کاری کو فروغ ملے گا، لین دین میں آسانی آئے گی اور تعمیراتی شعبے کی سرگرمیوں میں اضافہ ہوگا۔