اسلام آباد(نیشنل ٹائمز)جوڈیشل مجسٹریٹ عباس شاہ نے’گولڈ باکس‘ اور “GLBX” ایپ کے ذریعے کروڑوں روپے ہتھیانے کے الزام اور اسلام آباد میں بڑے آن لائن سرمایہ کاری فراڈ کے معاملہ میں گرفتار غیر ملکی باشندوں کے جسمانی ریمانڈ میں10روز کی توسیع کردی۔ این سی سی آئی اے کے حکام نے ملزمان کو 7 روزہ جسمانی ریمانڈ مکمل ہونے پر  عدالت پیش کر کے مزید 20 روز کے جسمانی ریمانڈ کی استدعاکی تھی۔ ملزمان میں تین غیر ملکی مرد اور ایک خاتون شامل ہے ، این سی سی آئی اے نے مقدمہ درج کیا ہے۔