اسلام آباد/لندن (نیشنل ٹائمز) پاکستانی فاسٹ بالر کو باقاعدہ طور پر برطانوی شہریت حاصل ہوگئی ہے اور انہیں برطانوی پاسپورٹ بھی جاری کر دیا گیا ہے، جس کے بعد وہ تکنیکی طور پر انڈین پریمیئر لیگ (آئی پی ایل) میں شرکت کے اہل ہو گئے ہیں۔میڈیا رپورٹس کے مطابق محمد عامر اپنی برطانوی نژاد اہلیہ نرجس خان اور بچوں کے ہمراہ کافی عرصے سے برطانیہ میں مقیم تھے۔ تمام قانونی تقاضے اور مقررہ مدت مکمل ہونے کے بعد اب انہیں باقاعدہ برطانوی شہریت دے دی گئی ہے۔برطانوی پاسپورٹ ملنے کے بعد کرکٹ حلقوں میں یہ چہ مگوئیاں بھی جاری ہیں کہ اگر محمد عامر کو آئی پی ایل سے کوئی پیشکش موصول ہوئی تو وہ اس میں شرکت پر سنجیدگی سے غور کریں گے۔واضح رہے کہ محمد عامر ماضی میں بھی کئی مرتبہ آئی پی ایل میں کھیلنے کی خواہش کا اظہار کر چکے ہیں۔ ان کی برطانوی شہریت کے بعد اب ان کے لیے بھارتی لیگ میں شرکت کی راہ مزید آسان ہو گئی ہے۔