کراچی (نیشنل ٹائمز) خطے کے مختلف ممالک میں پٹرول کی قیمتیں پاکستان کے مقابلے میں نسبتا کم ہیں۔سری لنکا میں پٹرول تقریباً 370 روپے فی لٹر،چین میں 360 ، بھارت میں 302 بنگلہ دیش میں تقریباً 288 روپے فی لٹرہے ۔رپورٹ میں بتایا گیا ہے کہ افغانستان اور مالدیپ میں بھی پٹرول کی قیمتیں پاکستان کے مقابلے میں کم ہیں، جبکہ ایران میں مقامی سطح پر پیدا ہونے والا پٹرول انتہائی کم قیمت یعنی تقریبا 6ً روپے فی لٹر میں دستیاب ہے ۔ ماہرین کے مطابق پاکستان میں پٹرولیم مصنوعات کی قیمتوں میں مسلسل اضافہ نہ صرف ٹرانسپورٹ کے اخراجات بڑھا رہا ہے بلکہ اشیائے خورونوش سمیت دیگر بنیادی ضروریاتِ زندگی کی قیمتوں پر بھی براہِ راست اثر ڈال رہا ہے ۔