لاہور،کراچی (نیشنل ٹائمز) گندم کی نئی فصل آنے کے باوجود ملک کے مختلف شہروں میں آٹے کی قیمتوں میں مزید اضافہ ہو گیا۔ ادارہ شماریات کی دستاویزات کے حوالے سے میڈیا رپورٹس میں کہا گیا ہے کہ حالیہ ایک ہفتے کے دوران لاہور میں 20 کلو آٹے کا تھیلاسب سے زیادہ 290 روپے تک مہنگا ہوا جبکہ اسلام آباد میں اس کی قیمت میں 93 ،راولپنڈی 80 ،پشاور 150 اور خضدار میں 140 روپے تک اضافہ ہوا۔ادھر کراچی میں 20 کلو آٹے کا تھیلا 100 روپے مہنگا ہونے کے بعدا س کی قیمت 2600 روپے ہو گئی، اس سے قبل یہی تھیلا تقریبا ً 2500 روپے میں فروخت ہو رہا تھا۔دستاویزات کے مطابق بنوں میں 50 روپے ،کوئٹہ 30 جبکہ ملتان میں بھی آٹا 27 روپے تک مہنگا ہوا ہے ۔