اسلام آباد (نیشنل ٹائمز) نادرا کے سابق چیئرمین طارق ملک کو ڈیجیٹل شناخت اور پبلک ڈیجیٹل انفراسٹرکچر کے شعبے میں عالمی خدمات کے اعتراف میں دنیا کے 25 نمایاں ماہرین میں شامل کر لیا گیا ہے۔
یہ اعزاز عالمی سطح کے پلیٹ فارم Okta کی جانب سے دیا گیا، جو ڈیجیٹل شناخت، سائبر سکیورٹی اور ڈیجیٹل ٹرسٹ کے میدان میں نمایاں کردار ادا کرنے والی شخصیات کو تسلیم کرتا ہے۔
یاد رہے کہ طارق ملک کو ماضی میں نواز شریف حکومت نے عہدے سے ہٹایا تھا، تاہم بعد ازاں عمران خان کے دور حکومت میں انہیں دوبارہ چیئرمین نادرا تعینات کیا گیا۔ بعد میں موجودہ حکومت نے انہیں ایک بار پھر فارغ کر دیا۔ اس وقت وہ ورلڈ بینک کے مشیر کے طور پر خدمات انجام دے رہے ہیں۔
اعلان کے مطابق ان 25 ماہرین کے نام اور تصاویر 4 مئی کی صبح نیویارک کے ٹائمز اسکوائر کی بڑی اسکرین پر باضابطہ طور پر پیش کیے جائیں گے، جو اس عالمی اعزاز کی اہمیت کو مزید اجاگر کرتا ہے۔