بیجنگ (شِنہوا) چین کی پھلتی پھولتی بحری معیشت اور ثقافتی و سیاحتی کھپت میں اضافے کی بدولت 2026 کی پہلی سہ ماہی کے دوران بحری سیاحت میں بھرپور اضافہ ریکارڈ کیا گیا ہے۔
وزارت قدرتی وسائل کی جانب سے بدھ کو جاری ہونے والے اعداد و شمار کے مطابق جنوری سے مارچ تک بحری مسافروں کی تعداد اور مسافروں کے ٹرن اوور میں بالترتیب 6.3 فیصد اور 11.6 فیصد اضافہ ہوا۔
بحری نقل و حمل اور سیاحت کے لئے مشہور 2 ساحلی صوبوں فوجیان اور ہائی نان نے اس مدت کے دوران سیاحوں کی تعداد میں بالترتیب 14.2 فیصد اور 14 فیصد اضافے کی اطلاع دی۔ وزارت نے بتایا کہ ان کی سیاحتی آمدنی میں اسی مدت کے دوران 15.5 فیصد اور 16.7 فیصد اضافہ ہوا۔
ترقی کرتی ہوئی بحری معیشت کے دوران اس سال کے پہلے 3 ماہ میں چین کے بحری جہاز سازی کے شعبے نے بھی رفتار پکڑی۔ وزارت کے اعداد و شمار یہ بھی ظاہر کرتے ہیں کہ نئے موصول ہونے والے آرڈرز اور بحری جہازوں کی مکمل ڈیلیوری، دونوں لحاظ سے چین نے عالمی مارکیٹ شیئر میں اپنی برتری برقرار رکھی۔