کراچی (نیشنل ٹائمز) کراچی میں منکی پاکس کا ایک اور کیس سامنے آگیا، جس کے بعد متاثرہ افراد کی مجموعی تعداد 9 تک پہنچ گئی۔ہسپتال حکام کے مطابق 38 سالہ شخص میں منکی وائرس کی تصدیق گزشتہ روز ہوئی، متاثرہ مریض کو ٹھان کالونی سے منتقل کرکے انفیکشیس ڈیزیز ہسپتال میں داخل کیا گیا ہے۔حکام کا کہنا ہے کہ مریض کی حالت پر مسلسل نظر رکھی جا رہی ہے جبکہ ممکنہ رابطوں کا بھی سراغ لگایا جا رہا ہے تاکہ وائرس کے مزید پھیلا کو روکا جا سکے۔واضح رہے کہ حالیہ دنوں میں کراچی میں منکی پاکس کے کیسز میں اضافہ دیکھا جا رہا ہے، جس کے پیش نظر محکمہ صحت نے شہریوں کو احتیاطی تدابیر اختیار کرنے کی ہدایت کی ہے۔
کراچی، منکی پاکس کا ایک اور کیس رپورٹ، متاثرہ افراد کی تعداد 9 ہوگئی
