بیجنگ (شِنہوا) چینی کومنتانگ پارٹی (کے ایم ٹی) کی چیئرپرسن چھینگ لی۔وون کی قیادت میں ایک وفد نے چینی مین لینڈ کا اپنا 6 روزہ دورہ مکمل کر لیا اور اتوار کی دوپہر بیجنگ سے تائیوان کے لئے روانہ ہو گیا۔
کمیونسٹ پارٹی آف چائنہ کی مرکزی کمیٹی کے تائیوان ورک آفس کے سربراہ سونگ تاؤ نے بیجنگ کیپیٹل بین الاقوامی ہوائی اڈے پر وفد کو الوداع کہا۔
اتوار کی صبح چھینگ اور ان کے وفد نے شیاؤمی کی ایک آٹو فیکٹری کا دورہ کیا، جہاں انہیں مین لینڈ میں نئی توانائی والی گاڑیوں کی پیداوار اور تحقیق و ترقی میں تازہ پیشرفت کے بارے میں بریفنگ دی گئی۔
چھینگ نے خود بھی ایک گاڑی کی ڈرائیورنگ سیٹ پر بیٹھ کر اس کے سمارٹ اور صارف دوست ڈیزائن کی تعریف کی۔
وفد نے منگل سے اتوار تک صوبہ جیانگسو، شنگھائی اور بیجنگ کا دورہ کیا۔ گزشتہ دس سال میں پہلی بار کے ایم ٹی کی چیئرپرسن کی قیادت میں کسی وفد نے مین لینڈ کا دورہ کیا۔
چینی کومنتانگ پارٹی کی چیئرپرسن 6 روزہ دورہ مکمل کرنے کے بعد مین لینڈ سے روانہ
