بیجنگ (شِنہوا) چینی وزارت خارجہ کی ترجمان نے کہا ہے کہ چین امید کرتا ہے کہ تمام فریقین مل کر کام کریں گے تاکہ آبنائے ہرمز سے معمول کی آمد و رفت کی جلد بحالی کو ممکن بنایا جا سکے۔
ترجمان ماؤننگ نے معمول کی پریس بریفنگ کے دوران ان میڈیا رپورٹس، جن میں کہا گیا تھا کہ ایران اور اومان آبنائے ہرمز سے گزرنے والے بحری جہازوں پر فیس عائد کر سکتے ہیں، پر تبصرہ کرتے ہوئے کہا کہ آبنائے ہرمز بین الاقوامی مال برداری اور توانائی کی تجارت کے لئے ایک انتہائی اہم راستہ ہے۔
انہوں نے مزید کہا کہ اس خطے میں سلامتی، استحکام اور بلا تعطل آمد و رفت کا تحفظ عالمی برادری کے مشترکہ مفاد میں ہے۔