اسلام آباد (نیشنل ٹائمز) مشرق وسطیٰ میں کشیدہ صورتحال کے باعث ایشیائی اسٹاک مارکیٹوں میں آج شدید مندی کا رجحان دیکھا گیا۔

کاروباری دن کے دوران پاکستان اسٹاک ایکسچینج کا 100 انڈیکس تقریباً 2 فیصد کمی کے ساتھ بند ہوا۔

عالمی مارکیٹوں میں بھی مندی کا رجحان برقرار رہا جہاں جاپان کا نکئی انڈیکس 3.5 فیصد، جنوبی کوریا کا کوسپی 2.72 فیصد جبکہ ہانگ کانگ کا ہینگ سینگ انڈیکس 2 فیصد تک گر گیا۔

مزید برآں بھارت کی ممبئی اسٹاک مارکیٹ کا سینسیکس بھی تقریباً 2.25 فیصد کمی کے ساتھ نیچے آگیا۔