ڈھاکہ (نیشنل ٹائمز) دوسرا ون ڈے، پاکستان نے بنگلہ دیش کو باآسانی شکست دے دی، نوجوان معاذ صداقت کی شاندار آل راونڈ کارکردگی، بنگلہ دیش ہدف کے تعاقب میں صرف 114 رنز بنا سکا، معاذ صداقت نے 75 رنز کی اننگ کھیلنے کے ساتھ ساتھ 3 اہم وکٹیں بھی حاصل کیں۔ شیر بنگلا سٹیڈیم میں دوسرے ون ڈے انٹرنیشنل میچ میں بنگلادیش نے پاکستان کے خلاف ٹاس جیت کر پہلے بولنگ کرنے کا فیصلہ کیا تاہم پہلے بیٹنگ کرتے ہوئے پاکستان کی پوری ٹیم 47.3 اوورز میں 274 رنز بناکر پویلین لوٹ گئی۔
پاکستان کی جانب سے معاذ صداقت 75 اور کپتان سلمان علی آغا 64 رنز کیساتھ نمایاں رہے، صاحبزادہ فرحان 31، شمائل حسین 6، محمد رضوان 44 رنزبناکر آؤٹ ہوئے۔ یاد رہے کے پاکستان ٹیم کو پہلے میچ میں 8 وکٹوں سے شکست کا سامنا کرنا پڑا تھا، سیریز کا تیسرا اور آخری میچ اتوار کو کھیلا جائے گا۔