صنعا(نیشنل ٹائمز)حوثی باغیوں نے کہا ہے کہ یمن پر گزشتہ 48 گھنٹوں میں سعودی عرب کی جانب سے 129 فضائی حملے کیے گئے ہیں۔
حوثی باغیوں کے مطابق یمن کے مختلف علاقوں پر کیے گئے حملوں کا سعودی عرب کو جواب دیا جائے گا، حوثیوں نے نصف گھنٹے تک یمن کی فوج سے لڑائی کی ویڈیو بھی جاری کر دی۔
روسی میڈیا کے مطابق محاذ چھوڑ کر بھاگنے والوں پر حوثی باغیوں نے حملہ کرکے ان کی گاڑیوں کو آگ لگا دی، واقعے میں ہونے والے جانی نقصان سے متعلق تاحال کوئی رپورٹ سامنے نہیں آئی۔
