کوئٹہ (نیشنل ٹائمز)ضلع خضدار میں زلزلے کے جھٹکے محسوس کیے گئے جس کی ریکٹر سکیل پر شدت 3 اعشاریہ 8 ریکارڈ کی گئی پاکستان میٹرولوجیکل ڈیپارٹمنٹ کے مطابق گزشتہ صبح 10 بج کر 52 منٹ پر زلزلے کے جھٹکے ریکارڈ کیے گئے۔ زلزلے کی شدت ریکٹر سکیل پر 3 اعشاریہ8 ریکارڈ کی گئی جبکہ اس کی گہرائی 33 کلومیٹر تھی ، زلزلے کا مرکز خضدار سے 75 کلومیٹر جنوب مشرق میں تھا ۔ دریں اثنا نصیرآباد، جھل مگسی، صحبت پور، اوستہ محمد، بختیارآباد، سبی، ڈھاڈر، بھاگ، ڈیرہ بگٹی، سوئی سمیت دیگر علاقوں میں بھی زلزلے کے جھٹکے محسوس کئے گئے ، زلزلہ پیمامرکز کے مطابق ان علاقوں میں زلزلہ کی شدت ریکٹر سکیل پر 4 اعشاریہ 1 ریکارڈ کی گئی زلزلے کا مرکز کوہ سلیمان تھا جبکہ گہرائی15کلو میٹر تھی ،کسی جانی یا مالی نقصان کی اطلاع نہیں ملی۔