واشنگٹن (شِنہوا) امریکی صدر ڈونلڈ ٹرمپ نے کہا ہے کہ ان کی انتظامیہ ایران کے ساتھ آئندہ ہفتے کے آغاز میں مزیید بات چیت کرے گی۔ یہ بیان ایسے وقت میں سامنے آیا جب کشیدگی کے بیچ عمان میں ایران کے ساتھ بالواسطہ مذاکرات کو انہوں نے “انتہائی اچھا” قرار دیا۔
ٹرمپ نے فلوریڈا میں اپنے نجی کلب مار-اے-لاگو جاتے ہوئے ایئر فورس ون پر صحافیوں سے بات کرتے ہوئے ککہا کہ ہم نے ایران کے بارے میں بھی بہت اچھی بات چیت کی ہے۔
ٹرمپ نے کہا کہ ہمیں دیکھنا ہوگا کہ کیا معاہدہ ہوتا ہے، لیکن میرا خیال ہے کہ ایران واقعی بہت شدت سے معاہدہ کرنا چاہتا ہے۔ ہم اگلے ہفتے کے آغاز میں دوبارہ ملاقات کریں گے۔
اس کے ساتھ ہی ٹرمپ نے خبردار کیا کہ اگر ایران اپنے جوہری پروگرام پر معاہدہ کرنے میں ناکام رہا تو اس کے نتائج بہت سنگین ہوں گے۔
ٹرمپ نے مزید کہا کہ ہمارے پاس ایک بڑا بحری بیڑا ہے اور ایک بڑا دستہ اس سمت روانہ ہو چکا ہے جو بہت جلد وہاں پہنچ جائے گا۔ اب دیکھتے ہیں کہ معاملات کس طرح آگے بڑھتے ہیں۔
مقامی میڈیا کے مطابق جمعہ کے روز عمان میں ایران سے متعلق ہونے والی بات چیت میں امریکی صدر کے خصوصی ایلچی سٹیو وٹکوف، ٹرمپ کے داماد جیرڈ کشنر اور امریکی سنٹرل کمانڈ کے کمانڈر ایڈمرل بریڈ کوپر نے بھی شرکت کی۔