بیجنگ (شِنہوا) چین نے بدھ کے روز کہا ہے کہ اہم معدنیات کی عالمی صنعتی اور سپلائی چین کے استحکام اور سلامتی کے معاملے پر اس کا موقف بدستور تبدیل نہیں ہوا اور اس ضمن میں تمام فریقین کی ذمہ داری ہے کہ وہ تعمیری کردار ادا کریں۔
چینی وزارت خارجہ کے ترجمان لین جیان نے یہ بات ایک معمول کی پریس بریفنگ کے دوران اس وقت کہی جب ان سے امریکہ کے پہلے ’’اہم معدنیاتی وزارتی اجلاس‘‘ کی میزبانی کے منصوبے سے متعلق سوال کیا گیا۔
ترجمان نے اس بات پر زور دیا کہ چین کا ہمیشہ سے یہ موقف رہا ہے کہ تمام ممالک کے لئے ضروری ہے کہ وہ مارکیٹ اکانومی کے اصولوں اور بین الاقوامی اقتصادی و تجارتی قوانین کی پاسداری کریں، باہمی رابطوں اور مذاکرات کو فروغ دیں، صنعتی اور سپلائی چین کو مستحکم اور بلا تعطل رکھنے کے لئے مشترکہ کوششیں کریں اور عالمی معیشت کی پائیدار ترقی کو فروغ دیں۔