قصور (نیشنل ٹائمز) مصطفیٰ آباد میں میرج ہال کے مین ہول میں گرکر3 سال کا بچہ جاں بحق ہوگیا۔
پولیس کے مطابق 3 سالہ علی رضا اپنی فیملی کے ہمراہ ولیمہ کی تقریب میں شرکت کےلیے میرج ہال آیا تھا جہاں وہ کھیلتا ہوا مین ہول میں گرگیا۔پولیس نے کہا ہے کہ بچے کو تشویشناک حالت میں مین ہول سے نکال کر اسپتال منتقل کیا تاہم وہ جانبر نہ ہوسکا۔پولیس نے چیف آفیسر میونسپل کارپوریشن مصطفیٰ آباد کی مدعیت میں میرج ہال کے مالک، منیجر اور ٹھیکدار سمیت دیگر عملے کے خلاف دفعہ 322 کے تحت مقدمہ درج کرلیا۔ڈی پی او قصور عیسیٰ خان کے مطابق ملزمان کی گرفتاری کے لیے تین ٹیمیں تشکیل دے دی گئی ہیں۔
قصور میں میرج ہال کے مین ہول میں گرکر 3 سالہ بچہ جاں بحق
