کراچی (نیشنل ٹائمز) صدر موبائل مارکیٹ میں لگنے والی آگ پر قابو پالیا گیا۔
فائر بریگیڈ حکام کے مطابق آگ النجیبی مارکیٹ میں لگی تھی جس پر قابو پانے کے لیے فائربریگیڈ کی متعدد گاڑیاں طلب کی گئی تھیں۔ریسکیو حکام کے مطابق عمارت سے تمام افراد کو باہر نکال لیا گیا تھا، ریسکیو 1122 کے مطابق عمارت میں پھنسےلوگوں کو نکالنےکےلیےاسنارکل طلب کی گئی تھی۔ریسکیو 1122 کے مطابق آگ عمارت کی ساتویں منزل پر لگی تھی جہاں گاڑیوں کی پارکنگ ہے، آگ ایک گاڑی میں لگی جس نے ساتھ کھڑی دو گاڑیوں کو لپیٹ میں لےلیا۔ریسکیو حکام کا بتانا ہے کہ دھویں کے باعث ایک شخص بےہوش ہوگیا جسے اسپتال منتقل کیا گیا۔دوسری جانب وزیراعلیٰ سندھ مراد علی شاہ نے النجیبی بلڈنگ میں آگ پر قابو پانے پر ریسکیو ورکرز کو شاباش دی اور کہاکہ حادثات اور واقعات میں جان واملاک کے تحفظ کیلئے جانفشانی سے کام کریں۔انہوں نے کہا کہ ایسے واقعات و حادثات کی اطلاعات پر کراؤڈ منیجمنٹ کو مزید بہتر کیا جائے اور آئندہ ممکنہ حادثات کے پیش نظر اطراف کی سڑکوں پر ٹریفک کی روانی کو یقینی بنایا جائے۔