موبائل بنانے والی ایک مقامی چینی کمپنی کی جانب سے دنیا کا سب سے چھوٹا اسمارٹ فون متعارف کرایا گیا ہے جس میں ایک عام اسمارٹ فون والے تمام فیچرز موجود ہیں۔
دنیا کے اس سب سے چھوٹے اسمارٹ فون کی بات کی جائے تو اس کے ڈسپلے کا سائز 3.3 انچ کا ہے جبکہ 1250 ایم اے ایچ بیٹری ڈیوائس کا حصہ ہے جو کمپنی کے مطابق مکمل چارج ہونے پر 3 دن تک کام کرسکتی ہے۔
فون کے اندر کواڈ کور پراسیسر موجود ہے جبکہ 3 جی بی ریم اور 64 جی بی اسٹوریج دی گئی ہے جس میں ایس ڈی کارڈ سے 128 جی بی تک اضافہ کیا جاسکتا ہے۔
کسی کریڈٹ کارڈ جتنے اس فون کے فرنٹ پر 2 میگا پکسل اور بیک پر 5 میگا پکسل کیمرا موجود ہیں۔
اس فون کو فنڈنگ کے حصول کے لیے ایک مہم کا حصہ بنایا گیا ہے، جہاں اس کی قیمت فی الحال 100 ڈالرز رکھی گئی ہے تاہم نومبر میں فون کی دستیابی پر یہ قیمت 150 ڈالرز ہوجائے گی۔