ٹوکیو (نیشنل ٹائمز )جاپان کی پہلی خاتون وزیراعظم نے اقتدار سنبھالنے کے محض 3 ماہ بعد ہی نیشنل اسمبلی تحلیل کردی اور8فروری کوقبل از وقت الیکشن کرانے کا اعلان کردیا۔۔۔
جاپانی وزیرِاعظم سَنائے تاکائیچی نے کہا ہے کہ اب فیصلہ عوام کو کرنا ہے کہ آیا مجھے وزیرِاعظم رہنا چاہئے یا نہیں۔انہوں نے میڈیا سے گفتگو کرتے ہوئے بتایا کہ اسمبلی تحلیل کرکے نئے انتخابات کرانے کا مقصد اکثریت حاصل کرکے پارلیمان میں آنا ہے کیونکہ معاشی اصلاحات، دفاعی پالیسیوں میں تبدیلی اور سخت امیگریشن قوانین جیسے اقدامات کے نفاذ کے لیے اسمبلی میں اکثریت درکار ہوتی ہے ۔