فیصل آباد (نیشنل ٹائمز)سینئر سیاستدان اور سابق وفاقی وزیر داخلہ راجہ نادر پرویز انتقال کر گئے۔

راجہ نادر پرویز نے اپنی طویل سیاسی زندگی میں متعدد بار رکن قومی اسمبلی کے طور پر خدمات انجام دیں اور وفاقی وزیر داخلہ کے ساتھ ساتھ وزیر مواصلات اور وزیر پانی و بجلی کے اہم عہدوں پر بھی فائز رہے۔ انہوں نے مختلف سیاسی جماعتوں کی نمائندگی کرتے ہوئے ملکی سیاست میں کلیدی کردار ادا کیا۔

مرحوم نے قومی سلامتی و ملکی مفاد کے معاملات میں اپنی بصیرت سے سیاسی و عسکری حلقوں میں اپنی شناخت بنائی۔

سماجی و سیاسی رہنماؤں نے راجہ نادر پرویز کے انتقال پر گہرے دکھ کا اظہار کرتے ہوئے مرحوم کے لیے مغفرت اور لواحقین کے لئے صبر جمیل کی دعا کی ہے۔ ان کی وفات کو ملکی سیاست کے لیے ایک بڑا نقصان قرار دیا گیا ہے۔