سیئول (شِنہوا) جنوبی کوریا کے صدر لی جے میونگ نے عوامی جمہوریہ کوریا (ڈی پی آر کے) میں بغیر اجازت غیر عسکری ڈرون کی پروازوں کی مکمل تحقیقات کا حکم دے دیا ہے۔
صدر لی نے کابینہ کے اجلاس کے دوران یہ ہدایت دی اور کہا کہ غیر قانونی مقاصد کے لئے ڈرونز کو ڈی پی آر کے میں داخل کرنا یا شہریوں کی جانب سے انہیں ڈی پی آر کے کی حدود میں بھیجنا قابل قبول نہیں ہے۔
لی جے میونگ نے زور دیا کہ اب تک سامنے آنے والی معلومات کے مطابق یہ ظاہر ہوتا ہے کہ شہریوں نے یکطرفہ طور پر ڈرونز کو ڈی پی آر کے میں داخل کیا جو جنگ شروع کرنے کے مترادف ہے۔ انہوں نے سخت تحقیقات اور سخت سزاؤں کا حکم دیا۔