اسلام آباد(نیشنل ٹائمز) پاکستان نے سعودی عرب سے باضابطہ طور پر درخواست کی ہے کہ ملک کی آبادی کے تناسب سے اس کا حج کوٹہ بڑھا کر 2 لاکھ 30 ہزار کر دیا جائے تاکہ زیادہ سے زیادہ افراد فریضۂ حج ادا کر سکیں۔وفاقی وزیر مذہبی امور و بین المذاہب ہم آہنگی سردار محمد یوسف نے صحافیوں سے گفتگوکے دوران بتایا کہ روٹ ٹو مکہ پراجیکٹ کے تحت 38 ہزار سے زائد عازمین اسلام آباد سے سفر کریں گے جبکہ اس سہولت کو لاہور تک توسیع دینے کی کوششیں جاری ہیں۔ اس وقت عازمین حج اسلام آباد اور کراچی سے اس سہولت سے فائدہ اٹھا رہے ہیں۔ حکومت نے سعودی عرب کی ہدایات کے مطابق حج 2026 کے انتظامات کو حتمی شکل دے دی ہے ۔
پاکستان کی سعودیہ سے حج کوٹہ بڑھا کر 2 لاکھ 30 ہزار کرنے کی درخواست
