انطالیہ(شِنہوا)ترکی کے تفریحی شہر انطالیہ کے مشرق میں واقع مناوگات قصبے کے قریب ہفتہ کے روز سے ایک جنگل میں آگ بھڑک رہی ہے۔ترکی بھر میں گزشتہ ایک ہفتے کے دوران 111 مقامات پر جنگلات میں آگ بھڑک اٹھی ، جن میں سے زیادہ تر پر اتوار تک قابو پا لیا گیا تھا، صرف 6 مقا مات پر بدستور آگ بھڑک رہی ہے، ان میں سے ایک انطالیہ کی آتشزدگی شامل ہے جس میں کم از کم سات افراد ہلاک ہوئے ہیں۔ خیال ظاہر کیا جارہا ہے کہ سخت گرمی اور تیز ہواں نے آگ بھڑکائی ہے۔