بیجنگ (شِنہوا)چین میں فوجی اہلکاروں کی حیثیت ، حقوق اور مفادات کے تحفظ سے متعلق نیا قانون چینی آرمی ڈے کے موقع پر اتوار سے نافذالعمل ہوجائے گا۔اس قانون کی منظوری 10 جون کو دی گئی تھی جس میں فوجی اہلکاروں کی تنخواہوں ، رہائش ، صحت کی سہولیات ، انشورنس ، چھٹیوں ، تعلیم اور دیگر بنیادی سہولیات کا تعین کیا گیا ہے۔اس میں یہ بھی بتایا گیا کہ کس طرح شہدا کے خاندان ملازمت اور ان کے بچے تعلیم سمیت دیگر معاملات میں ترجیحی سلوک حاصل کر سکتے ہیں۔اس کے علاوہ ، اتوار سے معذور فوجی اہلکاروں کے لئے حکومت کی نئی اسکیم کے تحت ان کی پنشن میں اوسطا10 فیصد اضافہ کیا جائے گا۔اگست سے ایک نئی عدالتی توضیح بھی نافذ ہوگی ، جس میں کاروبار یا عوامی جگہ پر چہرے کی پہچان کے غلط استعمال پر پابندی ہوگی۔نئی دستاویز کے مطابق ، چہرے کی شناخت کی ٹیکنالوجی کا غلط استعمال ، بشمول چہرے کے ڈیٹا کو پہچاننا یا تجزیہ کرنا ، شخصی حقوق یا مفادات کی خلاف ورزی کا باعث بن سکتا ہے۔