کراچی(نیشنل ٹائمز) ملک میں سونے کی قیمت میں ہزاروں روپے کا اضافہ ہوگیا جس کے بعد سونے کی قیمت تاریخ کی بلند ترین سطح پر پہنچ گئی۔
آل پاکستان صرافہ جیمز اینڈ جیولرز ایسوسی ایشن کے مطابق ملکی اور بین الاقوامی سطح پر سونے کی قیمتوں میں ہوشربا اضافہ دیکھنے میں آیا ہے، ایسوسی ایشن کے مطابق پاکستان میں فی تولہ سونے کی قیمت میں 6 ہزار روپے کا بڑا اضافہ ہوا ہے۔ اضافے کے بعد آج سونے کی نئی قیمت 3 لاکھ 76 ہزار 700 روپے ہو گئی ہے جبکہ 10 گرام سونے کی قیمت میں بھی 5 ہزار 144 روپے کے بعد 3 لاکھ 22 ہزار 959 روپے پر پہنچ گئی ہے۔بین الاقوامی مارکیٹ میں بھی سونے کی قیمتوں میں تیزی سے اضافہ ہوا ہے، عالمی بازار میں فی اونس سونا 60 ڈالر اضافے کے بعد 3 ہزار 540 ڈالر کی بلند ترین سطح پر پہنچ گیا ہے۔