پنجاب کے میدان ہوں یا پہاڑ، بارڈر کی گرجتی توپیں ہوں یا سلاب کی گرجتی لہریں، پاک فوج ہمیشہ اپنے عوام کے ساتھ چٹان بن کر کھڑی نظر آتی ہے۔ آج پنجاب کے بیشتر علاقے شدید سلاب کی زد میں ہیں۔ کئی اضلاع میں لاکھوں لوگ متاثر ہو چکے ہیں، اور 8 سے زائد اضلاع میں پاک فوج کو ریسکیو اور ریلیف کے لیے طلب کیا گیا ہے۔
جہاں سول ادارے بےبس ہو جاتے ہیں، وہاں وردی والے خاموشی سے میدان سنبھال لیتے ہیں۔ نہ کوئی شکایت، نہ کوئی شرط — بس فرض، قربانی، اور خدمت۔
یہ وہی فوج ہے جس پر چند عناصر سستی شہرت کے لیے تنقید کرتے ہیں، جو سوشل میڈیا پر بیٹھ کر وردی کو نشانہ بناتے ہیں۔ مگر آج… وہی فوج ان کے گھروں سے پانی میں ڈوبی لاشیں نکال رہی ہے، ان کے بچوں کو کندھوں پر اٹھا کر محفوظ مقامات پر پہنچا رہی ہے، اور بھوکے پیاسے لوگوں تک راشن اور ادویات پہنچا رہی ہے۔
یہ وردی صرف جنگ کی نہیں، امن کی بھی ضامن ہے۔
یہی وہ بازو ہیں جو دشمن کے خلاف بھی ڈھال بنتے ہیں، اور قدرتی آفات میں بھی امید کی کرن۔
آئیے، تنقید سے پہلے سچ کو تسلیم کریں۔
آئیے، ان ہاتھوں کو سلوٹ کریں جو صرف بندوق نہیں، انسانی جانیں بھی اٹھاتے ہیں۔
پاک فوج زندہ باد، پاکستان پائندہ باد!
