انٹر نیشنل ڈیسک(نیشنل ٹائمز)کانگریس کے مرکزی رہنما اور بھارتی لوک سبھا میں اپوزیشن لیڈر راہول گاندھی نے ایک بار پھر نریندر مودی کو آڑے ہاتھوں لیتے ہوئے کہا کہ مودی میں اتنی ہمت نہیں کہ پاکستان کے خلاف جنگ میں ٹرمپ کے کردار سے متعلق حقیقت بیان کر سکیں۔کانگریس رہنما راہول گاندھی نے کہا وزیراعظم مودی نے یہ نہیں کہا کہ ٹرمپ جھوٹ بول رہے ہیں، سب جانتے ہیں کہ مودی بولنے کی صلاحیت نہیں رکھتے، یہ حقیقت ہے۔ان کا کہنا تھا اگر وزیراعظم مودی بولیں گے تو ٹرمپ کھل کر بولیں گے اور سچائی بیان کریں گے، ٹرمپ سچائی بیان کریں گے اسی لیے وزیراعظم مودی بولنے سے قاصر ہیں۔راہول گاندھی کا کہنا تھا وہ (ڈونلڈ ٹرمپ) کہہ کیوں رہا ہے کیونکہ وہ اپنا تجارتی معاہدہ کرنا چاہتا ہے، تو وہ وہاں پر دبائے گا ان (مودی) کو، آپ دیکھنا کیسا تجارتی معاہدہ ہوتا ہے۔دوسری جانب کانگریس رہنما پریانکا گاندھی کا کہنا ہے مودی اور جے شنکر کو سنیں تو پتہ چلتا ہےکہ انہوں نے گول مول الفاظ استعمال کیے، جیسا کہ کل راہول جی نے کہا تھا کہ یہ براہ راست کیوں نہیں کہتےکہ ٹرمپ جھوٹ بول رہا ہے۔