اسلام آباد (نیشنل ٹائمز) مقبول میسجنگ ایپ واٹس ایپ نے اپنے صارفین کی اکاؤنٹ سکیورٹی کو مزید مؤثر بنانے کے لیے نیا فیچر متعارف کرا دیا ہے جس کے تحت اب صارفین اپنی ای میل ایڈریس بھی اکاؤنٹ سے منسلک کر سکیں گے۔واٹس ایپ کے مطابق اس نئے فیچر کا مقصد صارفین کو اس صورت میں آسانی فراہم کرنا ہے اگر وہ اپنا اکاؤنٹ کسی وجہ سے لاک یا لاگ آؤٹ کر بیٹھیں تو وہ اپنی ای میل کے ذریعے دوبارہ رسائی حاصل کر سکیں گے۔صارفین “سیٹنگز” میں جا کر “اکاؤنٹ” اور پھر “ای میل ایڈریس” کے آپشن پر جا کر اپنا ای میل ایڈریس شامل اور ویریفائی کر سکتے ہیں۔ کمپنی کے مطابق یہ اقدام صارفین کے اکاؤنٹس کو ہیکنگ یا غیر مجاز رسائی سے محفوظ بنانے میں مدد دے گا۔واٹس ایپ کا کہنا ہے کہ اس سہولت کے اضافے کے بعد اکاؤنٹ ریکوری اور پاس ورڈ ری سیٹ کرنا بھی آسان تر ہو جائے گا، جبکہ ایپ کی مجموعی سکیورٹی میں نمایاں بہتری آئے گی۔