انقرہ (نیشنل ٹائمز ) ترک وزارت دفاع نے کہا ہے کہ 2001 سے افغانستان کے دارالحکومت کابل میں متعین ترک فوجیوں نے افغان عوام کے دل جیتنے اور ان کے مشکل وقت میں ساتھ دینے کی کوشش کی ہے ۔ وزارت دفاع نے سوشل میڈیا پر اپنے بیان میں کہا کہ بہادر ترک فوج 2001 سے کابل میں متعین ہے جس نے بردار افغان عوام کی امن و سلامتی بالخصوص بچوں کے دل جیتنے کی پوری کوشش کی ہے۔ اس بارے میں سوشل میڈیا پر ترک فوجیوں اور افغان شہریوں کے درمیان گرم جوشی اور خلوص سے بھری تصاویر بھی جا ری کی گئی ہیں۔