سپورٹ اپرنس (نیشنل ٹائمز ) ہیٹی کی پولیس نے کہا ہے کہ صدر جووینل موئس کو 28 رکنی ڈیتھ اسکواڈ نے تشدد کرنے کے بعد قتل کیا، جن میں سے سترہ مشتبہ افراد کو گرفتار کر لیا گیا۔ پولیس سربراہ کے مطابق، گرفتار افراد میں 15 کولمبیاکے شہری اور دو امریکی شہری شامل ہیں۔ 11 مسلح افراد کو اس وقت گرفتار کیا گیا جب وہ زبردستی تائیوان کے سفارتخانہ میں گھس گئے تھے۔ بتایا گیا ہے کہ یہ 11 افراد سترہ مشتبہ افراد میں شامل ہیں یا نہیں البتہ پولیس نے کوئی وضاحت نہیں کی۔ پولیس کے مطابق صدر پر قاتلانہ حملے کے ماسٹر مائند کی تلاش جاری ہے۔ صدر کے قتل کے خلاف پر تشدد مظاہروں میں درجنوں گاڑیوں خو نذر آتش کردیا گیا۔