جوہانسبرگ(شِنہوا)جنوبی افریقہ کے وزیر زراعت جان سٹین ہوسن نے تصدیق کی ہے کہ سیزن کے پہلے ایواکاڈو پھل کی پہلی کھیپ چین بھیج دی ہے۔
سٹین ہوسن نے ایک بیان میں جنوبی افریقی ایواکاڈو صنعت کی عالمی منڈیوں میں فعال تلاش پر اطمینان ظاہر کیا جس کا ثبوت موسم کی پہلی کھیپ چین کے شہر شنگھائی پہنچنا ہے۔
سٹین ہوسن کا کہنا تھا کہ ایواکاڈو کی کھیپ سے اس شعبے میں معاشی ترقی اور روزگار کے مواقع پیدا ہوں گے۔
انہوں نے کہاکہ چین کو ارسال کردہ یہ ابتدائی کھیپ ہماری ایواکاڈو صنعت میں محنت، اختراع اور حکمت عملی کی سوچ کا ثبوت ہے۔
وزیر نے جنوبی افریقہ کے پیداواری افراد کے تزویراتی فوائد کو اجاگر کیا جن میں چین تک پہنچنے کے لئے پیرو جیسے بڑے حریفوں کے مقابلے میں کم وقت لگنا شامل ہے۔
اگست 2023 میں جنوبی افریقہ اور چین نے ایک فائیٹوسینیٹری معاہدہ کیا جس کے ذریعے اکتوبر 2024 میں 21 ٹن جنوبی افریقی ایواکاڈو شنگھائی پہنچے تھے۔ سٹین ہوسن کے مطابق اس معاہدے سے جنوبی افریقہ تیسرا افریقی ملک بن گیا جو کینیا کے بعد چینی مارکیٹ میں داخل ہوا۔