جوہانسبرگ(نیشنل ٹائمز)جنوبی افریقہ کے قائم مقام وزیر صحت مامولوکو کبائی – نگوبین نے ملک میں کرونا ویک نوول کروناو ائرس ویکسین کے استعمال کی اجازت دیئے جانے کا خیرمقدم کیا ہے ۔جنوبی افریقہ کی ریگولیٹری اتھارٹی برائے صحت مصنوعات (ایس اے ایچ پی آر اے)نے ہفتے کے روز اعلان کیا تھا کہ اس نے چینی دوا ساز کمپنی سائنو ویک بائیوٹیک کی تیار کردہ ویکسین کے استعمال کی اجازت دے دی ہے۔کو کبائی نے کہا کہ یہ ایک ناقابل تردید حقیقت ہے کہ جنوبی افریقہ کی ریگولیٹری اتھارٹی برائے صحت مصنوعات نے اس عالمی وبا کیخلاف ملک میں محفوظ اور مئو ثر ویکسینز کے استعمال کی منظوری دے کر ملک کے ردعمل میں اہم کردار ادا کیا ہے ۔کو کبائی نے کہا کہ کرونا ویک نوول کروناو ائرس ویکسین کی منظوری ایک اہم قدم ہے اوریہ ملک کے ویکسی نیشن پروگرام کے لئے بہت زیادہ معاونت کا باعث ہے، جس کی اشد ضرورت محسوس کی جارہی تھی۔