نیویارک(نیشنل ٹائمز)عالمی ادارہ صحت نے 70سال کی کوششوں کے بعد چین کو ملیریا سے پاک ملک قرار دے دیا،ڈبلیو ایچ او کا کہنا ہے وہ ملیریا سینجات پر چین کے عوام کو مبارکباد پیش کرتے ہیں۔ غیر میڈیا کے مطابق چین میں 1940کی دہائی میں سالانہ 3کروڑ ملیریا کیسزرپورٹ ہوتے تھے،مسلسل کوششوں سے گزشتہ 4سال میں ملیریا کا کوئی کیس رپورٹ نہیں ہوا، چین چالیسواں ملک ہے جس کو ملیریا فری ہونے کا اعزاز حاصل ہوا ہے،عالمی ادارہ صحت کی رپورٹ 2020میں بتایا گیا ہے کہ دنیا میں ملیریا کے خلاف کوششوں سے تبدیلی آ رہی ہے، افریقی ممالک میں تاحال اس مرض سے بڑی تعداد میں اموات کا سامنا ہے، بچے بھی اس مرض سے بڑی تعداد میں متاثر ہوتے ہیں جس کے نتیجے میں سالانہ 2لاکھ 65ہزار سے زائد بچے موت کا شکار ہو جاتے ہیں۔