اسلام آباد(نیشنل ٹائمز) پی ٹی اے کی سالانہ رپورٹ میں بتایا گیا کہ مالی سال 2023-24 کے دوران ٹیلی کام شعبے کو 955 ارب روپے آمدنی ہوئی۔رپورٹ کے مطابق ملک میں موبائل فون سروسز 91 فیصد اور 4G سروسز 81 فیصد آبادی تک پہنچ چکی ہیں۔پی ٹی اے کی سالانہ رپورٹ میں بتایا گیا کہ ٹیلی کام سبسکرائبرزکی تعداد ستمبر 2024 تک 19 کروڑ 60 لاکھ جبکہ براڈبینڈ صارفین کی تعداد 12 کروڑ 76 لاکھ سے بڑھ کر 14 کروڑ 23 لاکھ ہوگئی ہے۔پی ٹی اے کے مطابق موبائل انٹرنیٹ کی اوسط رفتار میں 28 فیصد اضافہ ہوا، انٹرنیٹ کی رفتار 15.65 ایم بی پی ایس سے بڑھ کر 20.02 ایم بی پی ایس تک پہنچ گئی ہے۔پی ٹی اے رپورٹ میں کہا گیا کہ موبائل ڈیٹا کے استعمال میں 24.2 فیصد اضافہ ہوا، براڈبینڈ تک رسائی 53.6 فیصد سے بڑھ کر58.4 فیصد ہوگئی۔پی ٹی اے رپورٹ کے مطابق رواں مالی سال کے دوران 2 کروڑ 96 لاکھ موبائل ڈیوائسز مقامی سطح پر تیار کی گئیں۔