اسلام آباد(نیشنل ٹائم)وفاقی وزیرداخلہ محسن نقوی نے بیلاروس کے وفد کا استقبال کیا۔ وفد میں بیلا روس کے خارجہ، توانائی، صنعت، مواصلات، قدرتی وسائل اور ہنگامی حالات کے وزرا، چیئرمین ملٹری انڈسٹری کمیٹی شامل ہیں۔اس کے علاوہ وفد میں بیلاروس کی 43 بڑی کاروباری شخصیات بھی شامل ہیں۔وزیر داخلہ کا کہنا تھاکہ وفد کو اسلام آباد آمد پرخوش آمدید کہتے ہیں، پاکستان کی حکومت اور عوام بیلاروس کے صدر الیگزینڈر لوکاشینکو کی کل آمد کے منتظرہیں۔انہوں نے کہا کہ بیلاروس کے صدر کا دورہ دوطرفہ تعلقات کومزیدمضبوط بنانے میں انتہائی اہمیت کاحامل ہے، پاکستان بیلاروس کے ساتھ تعلقات کو قدر کی نگاہ سے دیکھتا ہے اور بیلاروس کےساتھ تعلقات کومختلف شعبوں میں آگےبڑھانےکاخواہاں ہے۔ان کا کہنا تھاکہ دورے سے دونوں ممالک کے درمیان صنعت، تجارت اور مختلف شعبوں میں تعاون کوفروغ ملےگا۔بیلاروس کے صدر الیگزینڈر لوکاشینکو کل دورے پر اسلام آباد پہنچیں گے۔