اسلام آباد(نیشنل ٹائمز)باجوڑ اسپورٹس کمپلیکس میں آج کرکٹ لیگ کا فائنل کھیلاجارہاتھا، اس دوران ایک کھلاڑی کو تھرڈ امپائر نے جب آؤٹ قرار دیا تودونوں ٹیموں کے حامیوں میں جھگڑا ہوگیا۔ٹیموں کے کھلاڑی اورتماشائی ایک دوسرے پر لاتیں، گھونسے اور کرسیاں مارتے رہے۔ مشتعل شائقین وی آئی پی انکلوژر میں بھی داخل ہوگئے اور شیشے توڑ دیے۔ جھگڑے کے دوران ایک شخص جاں بحق اور ڈی ایس پی سمیت 3 افراد زخمی ہوگئے۔ایف سی اور باجوڑ پولیس نے موقع پر پہنچ کر حالات کو کنٹرول کیا اور زخمیوں کو اسپتال منتقل کیا۔پولیس نے 6 افراد کو گرفتار کر لیا۔
آؤٹ کیوں دیا؟ باجوڑ میں کرکٹ میچ کے دوران جھگڑے میں ایک شخص جاں بحق
