x نئی دہلی(نیشنل ٹائمز) بھارتی وزیر اعظم نریندر مودی نے مقبوضہ کشمیر کے مسئلے پر آل پارٹیز کانفرنس طلب کرلی، جس میں محبوبہ مفتی کو بھی شرکت کی دعوت دی گئی ہے۔بھارتی میڈیا رپورٹ کے مطابق مودی نے مقبوضہ کشمیر کے مسئلے پر 24 جون کو آل پارٹیز کانفرنس طلب کی ہے، جس میں جموں کشمیر کی سابق وزیر اعلی محبوبہ مفتی کو بھی شرکت کا دعوتِ نامہ دیا گیا ہے۔بھارتی میڈیا کے مطابق کانفرنس کی صدارت نریندر مودی کریں گے، جس میں شرکت کے لیے ملک کی تمام چھوٹی بڑی سیاسی جماعتوں ، رہنماں اور شخصیات کو شرکت کی دعوت دی گئی ہے۔مقبوضہ کشمیر کی سابق وزیر اعلی نے دعوت نامہ ملنے کی تصدیق کرتے ہوئے کہا کہ شرکت کا فیصلہ مشاورت کے بعد کروں گی۔ذرائع کا کہنا ہے کہ کانفرنس میں آرٹیکل 370 کے حوالے سے تفصیلی گفتگو کی جائے گی اور بڑھتے ہوئے عالمی دبا پر بھی بات کی جائے گی۔محبوبہ مفتی کے ذرائع کا یہ بھی کہنا ہے کہ وہ کانفرنس میں شرکت نہیں کریں گی کیونکہ سابق وزیر اعلی پہلے ہی مقف اختیار کرچکی ہیں کہ جب تک کشمیر کی حیثیت کو دوبارہ بحال نہیں کیا جاتا، بھارتی حکومت سے کوئی بات چیت نہیں ہوگی۔