اسلام آباد(نیشنل ٹائمز)شہباز شریف نےایف آئی اے کی طلبی پر عدالت سے رجوع کرنے پر غور شروع کر دیا ۔ نوٹسز کے خلاف مختلف آپشنز پر غور قاٸد حزب اختلاف شہباز شریف نے ایف آٸی اے کی جانب سے طلبی کے نوٹس پر مختلف قانونی آپشنز پر غور کے لیے اپنے وکلا سے مشاورتی عمل شروع کرنے کا فیصلہ کر لیا ۔ شہباز شریف اپنی لیگل ٹیم سے کل شام ملاقات کریں گے اور ایف آٸی اے کے نوٹسز کے خلاف قانونی اپشنز پر غور کیا جاٸے ۔لیگل ٹیم کے ذراٸع کا کہنا ہے کہ شہباز شریف ممکنہ گرفتاری کے خدشے کے پیش نظر عدالت سے عبوری ضمانت حاصل کر سکتے ہیں جبکہ اس نوٹس کو عدالت میں چیلنج کر کے کالعدم قرار دینے پر بھی غور کیا جاٸے گا ۔ ذراٸع کے مطابق شہباز شریف اگلا قانونی لاٸحہ عمل لیگل ٹیم سے مشاورت کے بعد طے کریں گے ۔ اور موجودہ صورتحال میں جو قانونی طریقہ کار مناسب ہوا وہ اختیار کیا جاٸے گا۔