چمن(نیشنل ٹائمز ) افغانستان میں کورونا کیسز بڑھنے کے بعد پاکستان نے پاک افغان بارڈر پر نئی سفری پابندیاں عائد کرتے ہوئے چمن میں باب دوستی کو دوطرفہ پیدل آمدورفت کے لیے بند کردیا۔ ڈپٹی کمشنر چمن طارق مینگل کے مطابق این سی او سی کے فیصلے کے تحت باب دوستی کو دو طرفہ پیدل آمدورفت کے لیے بند کردیا ہے تاہم افغانستان میں موجود پاکستانی کورونا ایس اوپیزکے تحت واپس آسکتے ہیں جب کہ پاکستان میں موجود افغان باشندے بھی واپس افغانستان جاسکتے ہیں۔ ڈپٹی کمشنر کا کہنا ہے کہ باب دوستی سے دوطرفہ پیدل آمدورفت نئے احکامات تک معطل رہے گی جب کہ پاک افغان دوطرفہ ٹریڈبحال رہے گی۔ دوسری جانب باب دوستی کی اچانک بندش سے بڑی تعداد میں پاکستانی اور افغان شہری سرحدکے دونوں جانب پھنس گئے ہیں۔
افغانستان میں کورونا میں اضافہ، پاک افغان باب دوستی پیدل آمدورفت کیلئے بند، دوطرفہ ٹریڈ بحال رہے گی
