بڈاپسٹ(نیشنل ٹائمز)یورپی کمیشن نے ہنگری میں جاری حالات و واقعات پر تشویش ظاہر کی ہے۔  گزشتہ روز  ہنگری کی پارلیمان نے ایک قانون کی منظوری دی ہے، جس کے تحت انٹرنیٹ پر بچوں کے لیے ایسے مواد کو ممنوع قرار دے دیا گیا ہے، جس میں ہم جنس پرستی یا کسی بھی جنس سے وابستگی دکھائی دے۔ حکومت کا موقف ہے کہ یہ قانون بچوں کے تحفظ اور ان کے ساتھ جنسی زیادتی کرنے والوں کی روک تھام کے لیے ہے۔ تاہم ہم جنس پرست گروپوں اور ایل جی بی ٹی کے کارکنوں کا ماننا ہے کہ اس کا ہدف وہ ہیں۔ اس ضمن میں ملک گیر سطح پر احتجاجی سلسلہ جاری ہے۔