اسلام آباد (نیشنل ٹائمز) پاکستان اورسری لنکا کے درمیان اہم تجارتی بریک تھرو، دونوں ممالک کے درمیان تجارتی حجم ایک ارب ڈالربڑھانے کیلئے تیاریاں تیز کردی گئیں۔ ذرائع کے مطابق سری لنکن سیکریٹری خارجہ کی سربراہی میں وفد 30 جولائی کو پاکستان پہنچے گا۔ سری لنکا کی وزارت خارجہ میں ڈائریکٹرسارک نیلوکا کدوروگا مووا وفد میں شامل ہیں۔پرشانتی کرشنامورتی بھی وفد کے دیگرارکان میں شامل ہیں۔ پاکستانی وفد کی قیادت سیکریٹری خارجہ محمدسائرس سجاد قاضی کریں گے۔مذاکرات میں تجارت، سرمایہ کاری، سیاحت، ثقافت پربات چیت کی جائیگی، پاک سری لنکا آزاد تجارت کا معاہدہ 20 سال قبل کیا گیا۔ایف ٹی اے کے تحت دونوں ممالک کے درمیان آزاد تجارت 1 ارب ڈالرتک کی جاسکتی ہے۔ ذرائع کا کہنا ہے کہ پاکستان مذہبی سیاحت کے فروغ پرپیشرفت کاخواہاں ہے، کولمبو، اسلام آباد براہ راست فضائی رابطے کو بہتر بنانے پربھی بات ہوگی۔