تل ابیب (نیشنل ٹائمز) اسرائیلی چینل 12کی طرف سے کرائے گئے ایک رائے عامہ کے سروے میں یہ بات سامنے آئی ہے کہ نصف سے زیادہ اسرائیلیوں کا خیال ہے کہ نو ماہ سے جاری غزہ جنگ نیتن یاہو کے “سیاسی تحفظات” کی وجہ سے طول پکڑ رہی ہے۔ سروے کے مطابق 54فیصد افراد نے کہا کہ جنگ ابھی ختم نہیں ہوئی ہے اس کی وجہ نیتن یاہو کے سیاسی تحفظات ہیں،34فیصد کے مطابق آپریشنل وجوہات کی بنا پر جنگ ختم نہیں ہوسکی، 12فیصد نے اس حوالے سے غیر یقینی کا اظہار کیا،جواب دہندگان میں سے 68فیصد نے کہا کہ نیتن یاہو کا جنگ سے نمٹنے کا طریقہ “خراب تھا”، اس کے مقابلے میں 28فیصد نے جنگ سے نمٹنے کے طریقے کو اچھا خیال کیا اور چار فیصد نے غیر یقینی کا اظہار کیا۔