لندن(نیشنل ٹائمز) لیبر لیڈر سر کیئر سٹارمر برطانیہ کے اٹھاونویں وزیر اعظم منتخب ہوگئے۔برطانوی میڈیا کے مطابق سر کیئر سٹارمر می بیکنگھم پیلس میں شاہ چارلز سے ملاقات کی اور حکومت بنانے کی دعوت قبول کرلی۔ ملاقات کی بعد ان کے وزیر اعظم ہونے کا باقاعدہ اعلان کیا گیا۔بیکنگھم پیلس کے بعد کیئر سٹارمر ڈائوننگ سٹریٹ پہنچے جہاں پر شہریوں نے نئے وزیراعظم کا شانداراستقبال کیا، کیئراسٹارمر نے ٹین ڈاننگ سٹریٹ کے باہرکھڑے شہریوں سے ہاتھ ملا کرشکریہ ادا کیا۔ نومنتخب برطانوی وزیراعظم کئیر سٹارمر نے قوم سے خطاب کرتے ہوئے کہامیں ابھی شاہی محل سے واپس آیا ہوں، اور میں نے وزیراعظم بننے کی پیشکش قبول کرلی ہے۔ان کا کہنا تھا کہ ہم سب کو ایک قوم بن کر آگے بڑھنا ہوگا، میں رشی سوناک کا بھی مشکور ہوں، میری حکومت عوام کی خدمت کرے گی۔کیئر اسٹارمر نے کہا کہ ہم اپنی پالیسی پر بھی نظرثانی کریں گے، عوام کی توقعات پر پورا اترنے کی کوشش کریں گے۔انہوں نے کہا کہ دنیا کو سنگین چیلنجز کا سامنا ہے، کسی بھی ملک کو ایک بٹن سے تبدیل نہیں کیا جاسکتا، برطانیہ کو ایک بار پھر رہنمائی کرنے والا ملک بنائیں گے۔ کئیر سٹارمر نے کہا کہ ہماری حکومت اپنی سرحدوں کو محفوظ بنائے گی اور شہریوں کو حقوق دے گی، ورکنگ کلاس کی زندگی کو مزید بہتر بنائیں گے، بھاری مینڈیٹ دینے پرعوام کا شکر گزار ہوں، ہم سب کو ملکر آگے بڑھنا ہوگا۔ ان کا کہنا تھا کہ تبدیلی کیلئے فوری طور پر کام شروع ہو جائے گا ۔واضح رہے کہ برطانیہ میں قبل ازوقت ہونے والے عام انتخابات میں 14سال بعد لیبر پارٹی نے میدان مارا ہے، 650 سے 644 نشستوں کے نتائج موصول ہوئے ہیں جس میں لیبر پارٹی 412 سیٹیں لے کر سب سے آگے ہے، کنزرویٹو 121 ، لیبرل ڈیموکریٹس 71 اور ریفارم پارٹی 9 نشستوں اور دیگر35 نشستوں پر کامیاب ہوئے ہیں ۔ اس طرح برطانیہ میں کنزرویٹو کا 14 سالہ دور ختم ہو عام انتخابات میں شکست کے بعد وزیر اعظم رشی سونک نے کنگ چارلس کو اپنا استعفی پیش کردیا ہے جب کہ کیئر اسٹارمر نے بھی اہلیہ کے ہمراہ بکنگھم پیلس میں کنگ چارلس سے ملاقات کی اور حکومت بنانے کی دعوت قبول کرلی۔ ؟