اسلام آباد (نیشنل ٹائمز)مہنگائی کے ستائے شہریوں کیلئے بری خبر،بجلی فی یونٹ 3روپے 33پیسے مہنگی کر دی گئی،قیمت میں اضافہ مئی کے ماہانہ فیول پرائس ایڈجسٹمنٹ کی مد میں کیا گیا۔ نیپرا نے قیمتوں میں اضافے کا نوٹیفکیشن جاری کر دیا،جولائی کے بلوں میں صارفین کو اضافی ادائیگیاں کرنا ہوں گی،اضافے کا اطلاق لائف لائن صارفین پر نہیں ہو گا۔واضح رہے کہ گزشتہ ہفتے نیپرا نے مئی کی ماہانہ فیول ایڈجسٹمنٹ کی مد میں بجلی تین روپے 41 پیسے فی یونٹ مہنگی کرنے کی سینٹرل پاور پرچیزنگ ایجنسی(سی پی پی اے) کی درخواست پر سماعت کے بعد فیصلہ محفوظ کیا تھا اور کہا تھا کہ ڈیٹا کی جانچ پڑتال کے بعد فیصلہ اور نوٹیفکیشن جاری کیا جائے گا۔