سنگاپور (شِنہوا) سنگاپور اور سعودی عرب نے اعلان کیا ہے کہ دونوں ملکوں نے سنگاپور کے جیورونگ راک کیورنز میں خام تیل ذخیرہ کرنے کا ایک منصوبہ بنایا ہے جس پر باقاعدہ کام 2027 کی دوسری ششماہی میں شروع ہونے کی توقع ہے۔
اس مشترکہ اقدام کا اعلان سنگاپور کی وزارت توانائی، تجارت و صنعت اور سعودی عرب کی وزارت توانائی نے کیا جس کے تحت سعودی آرامکو اور سنگاپور کی انرجی مارکیٹ اتھارٹی اور جے ٹی سی کارپوریشن کے درمیان مفاہمتی یادداشت کا تبادلہ ہوا جبکہ اس معاملے پر مذاکرات آئندہ چند ماہ میں مکمل ہونے کی توقع ہے۔
اس مجوزہ منصوبے کے تحت سعودی خام تیل جزیرہ جیورونگ میں زیر زمین ذخیرہ کیا جائے گا جس سے سنگاپور کو سپلائی میں تعطل کے دوران اپنی توانائی کی ضروریات پوری کرنے اور توانائی کے تحفظ اور پائیداری کو مضبوط بنانے میں مدد ملے گی۔
دونوں ممالک نے بتایا کہ اس اقدام سے جنوب مشرقی ایشیا میں سعودی عرب کی خام تیل کی ترسیل کا نظام مزید مستحکم ہو گا۔