مکاؤ (شِنہوا) چین کے مکاؤ خصوصی انتظامی علاقے نے قومی دن کی 7 روزہ تعطیلات کے دوران سیاحتی مرکز کے طور پر اپنی کشش ایک بار پھر ثابت کر دی۔ مکاؤ گورنمنٹ ٹورازم آفس نے بتایا کہ ان تعطیلات کے دوران یومیہ سیاحوں کی اوسط آمد اور ایک دن کے لئے آنے والے سیاحوں کی تعداد دونوں ریکارڈ کے لحاظ سے اب تک کی کسی بھی قومی دن کی تعطیلات کے مقابلے میں سب سے زیادہ رہی۔
ابتدائی اعداد و شمار کے مطابق یکم سے 7 اکتوبر تک تعطیلات کے دوران مکاؤ میں یومیہ اوسطاً ایک لاکھ 63 ہزار سیاح آئے جو گزشتہ سال کی اسی مدت کے مقابلے میں 15.5 فیصد زیادہ ہیں۔ سیاحوں کی آمد 4 اکتوبر کو عروج پر رہی جب ایک دن میں 2 لاکھ 10 ہزار سیاح مکاؤ پہنچے۔
ٹورازم آفس کی جانب سے پیش کردہ شعبہ جاتی اعداد و شمار کے مطابق تعطیلات کے دوران ہوٹلوں میں 10 میں سے 9 کمرے اوسطاً زیر استعمال رہے جبکہ ہوٹلوں میں کمروں کے استعمال کی شرح گزشتہ سال کی اسی مدت کے مقابلے میں 3.1 فیصد پوائنٹس بڑھ گئی۔
ٹورازم آفس کے مطابق تعطیلات کے دوران سیاحوں کی دلچسپی کے لئے آتش بازی کے مظاہروں اور ایک کارنیوال کا بھی اہتمام کیا گیا جس میں کھانے پینے کے سٹالز، فن کے مختلف مظاہرے اور کھیل شامل تھے۔