بیجنگ (شِنہوا) چینی وزارت خارجہ کے ترجمان نے کہا ہے کہ چین اپنے تائیوان خطے کو امریکی ہتھیاروں کی فروخت کی سختی سے مخالفت کرتا ہے اور اس حوالے سے اس کا موقف واضح ہے۔
ترجمان گو جیا کن نے یہ بات ذرائع ابلاغ کی ان رپورٹس کے ردعمل میں کہی جن کے مطابق تائیوان کو حال ہی میں امریکہ سے خریدے گئے 2 ایف 16 وی لڑاکا طیارے موصول ہوئے ہیں اور رواں سال مزید 64 طیارے لینے کا منصوبہ ہے۔
گو جیا کن نے کہا کہ امریکہ کو دونوں ممالک کے صدور کے درمیان ملاقات میں طے پانے والی اہم مشترکہ مفاہمت پر عملدرآمد کرنا چاہیے، ایک چین کے اصول اور چین اور امریکہ کے درمیان طے پانے والے تین مشترکہ اعلامیوں کی پاسداری کرنی چاہیے اور تائیوان کے معاملے پر محتاط طرز عمل اختیار کرنا چاہیے۔
انہوں نے کہا کہ تائیوان کا معاملہ چین کا اندرونی معاملہ ہے جسے خود چینی عوام نے حل کرنا ہے اور اس میں کسی بیرونی مداخلت کی کوئی گنجائش نہیں۔