دبئی (نیشنل ٹائمز)یمن میں حکومتی فورسز اور ایران کے حمایت یافتہ حوثی باغیوں کے درمیان شدید جھڑپوں میں 24 افراد ہلاک ہوگئے ۔ دونوں جانب کے ذرائع کے مطابق حکومتی فورسز کے 13 اہلکار جبکہ حوثیوں کے کم از کم 11 جنگجو مارے گئے ۔
یمنی فوجی ذرائع نے بتایا کہ حوثیوں نے بحیرہ احمر کے مغربی ساحلی محاذوں پر پیش قدمی کرتے ہوئے آبنائے باب المندب اور حکومتی کنٹرول والے علاقوں کی جانب بڑھنے کی کوشش کی۔ ایک ذریعے کے مطابق حوثی ساحلی شہر المخا کے قریب بھی پیش قدمی کر رہے ہیں۔ حکومت اور حوثیوں نے تاحال ہلاکتوں کی سرکاری تعداد جاری نہیں کی۔
