کوالالمپور (شِنہوا) ایک صنعتی گروپ نے کہا ہے کہ مشرق وسطیٰ بحران اور دیگر تجارتی غیر یقینی صورتحال کی وجہ سے سپلائی چین میں خلل کے باوجود سیمی کنڈکٹرز کی طلب میں حالیہ اضافہ برقرار رہنے کی توقع ہے۔
عالمی چپ انڈسٹری گروپ سیمی کے چیف ایگزیکٹو اجیت منوچا نے یہاں سیمی کون ساؤتھ ایسٹ ایشیا 2026 کے موقع پر گفتگو کرتے ہوئے کہا کہ اس سال سیمی کنڈکٹرز کی عالمی فروخت 10 کھرب امریکی ڈالر تک پہنچنے کی توقع ہے، جو 2035 تک دوگنا ہو کر 20 کھرب ڈالر ہو جائے گی۔ ان کا کہنا تھا کہ اس نمو کی وجہ مصنوعی ذہانت کی ٹیکنالوجیز کو چلانے والے ڈیٹا سنٹرز میں ہونے والا تیزی سے اضافہ ہے۔
اجیت نے جغرافیائی و سیاسی کشیدگی سے پیدا ہونے والے خطرات کو کم اہمیت دیتے ہوئے کہا کہ اس بات کا امکان نہیں ہے کہ یہ کشیدگی اس سال ہونے والی تیزی کو روک سکیں تاہم خام مال کی مسلسل کمی طویل مدتی منظرنامے پر اثر انداز ہو سکتی ہے۔